Coñécenos
		A Fundación Pedro Barrié de la Maza é unha entidade sen ánimo de lucro ó servicio do desenvolvemento de Galicia desde unha perspectiva global. Con sede en España, leva a cabo un labor de raíces galegas e alcance internacional nos ámbitos da educación, investigación, cultura e servicios sociais. Pedro Barrié de la Maza, Conde de Fenosa, creou a Fundación en 1966, declarándoa a súa herdeira universal. Banqueiro, empresario e impulsor de grandes iniciativas, dedicou a súa vida (1888-1971) a traballar polo progreso económico, social e cultural de Galicia, a súa terra. Este obxectivo converteríase no impulso motriz da Fundación. Presidida desde 1971 pola súa viúva, Carmela Arias y Díaz de Rábago, Condesa de Fenosa, a Fundación dispón dun patrimonio en torno a 1.500 millóns de euros. Na súa carteira de valores destaca a alta participación no Banco Pastor, do cal cun 41,14% é o seu principal accionista. Desde a súa creación e ata o ano 2006 a Fundación dedicou 268 millóns de euros ó cumprimento da súa misión.