Corenta anos é unha vida curta para unha Fundación que naceu cun ímpeto, chea de ganas de servir á sociedade en ámbitos moi diversos. A Fundación traballou sen perder de vista o interese polo desenvolvemento de Galicia que inspirou ó seu creador, Pedro Barrié de la Maza. A visión de futuro no económico, o social e o cultural que caracterizou toda a súa obra impulsou á Fundación a anticiparse ás necesidades dunha sociedade cada vez máis global. Neste afán renóvase cada día desde 1966 o noso compromiso por definir demandas insatisfeitas e ofrecer solucións alternativas.

A aposta da Fundación por Internet, iniciada en 1995, responde a ese esforzo permanente por adiantarse ás cambiantes esixencias da sociedade. Nunha comunidade global onde as novas tecnoloxías da información constitúen a cerna, a Fundación manifesta así a vontade de facer chegar a súa acción transformadora a sectores cada vez máis amplos. Internet é tamén unha ventá cara á forza de renovación que supón o contacto constante coas xeracións máis novas. A colaboración entusiasta neste proxecto dos bolseiros da Fundación é a mellor proba de que temos dado un paso máis no noso compromiso co futuro.

Carmela Arias y Díaz de Rábago
Condesa de Fenosa
Presidenta da Fundación
Pedro Barrié de la Maza